[Translation.]
Ko te Kupu a te Komiti mo runga i te Pukapuka-inoi a Hoani Enoka (Nama 2).
E ki ana nga kai-inoi i whakaaetia etahi porowhita i Wairau wahi o te Waipounamu mo tona iwi (mo Rangitane) engari ko nga utu reti e utua ana ki etahi atu tangata ekore nei e tika ki whakaaetia to ratou take.
Kua whakahaua ahau kia ki penei atu ki te Whare:—
Ko tenei pukapuka-inoi e rite ana ki tetahi i homai i tera tau na taua kai-inoi ano, a i penei te kupu a te Komiti i reira:—"Ko nga kupu a nga kai-inoi e ki nei i whakaritea aua porowhita e whakahuatia ana i roto i te pukapuka-inoi mo ratou ake mo Rangitane kihai i mana i runga i nga korero i rangona i te aroaro o te Komiti. Koia i kore ai te Komiti e kaha ki te whai kupu atu ki te Whare kia whakaarohia paitia te tono a nga kai-inoi."
Kahore te Komiti i kite i tetahi take e whakarerea ketia ai te whakataunga a te Komiti o tera tau.
John Bryce,
Tumuaki.