[Translation.]
Ko te kupu a te Komiti mo runga i te Pukapuka-inoi a Hariata te Rapu me tetahi atu.

E ki ana nga kai-inoi i hokona e raua i te tau 1872 ki te kai-whakahaere (Komihana) a te Kawanatanga i reira ki a Te Wakana (George Buckland Worgan) nga piihi whenua e rua hui katoa nga eka e 800 monga, moni e £800. Engari heoti ano te wahi o taua moni i whakaaetia kia utua ra i tae ki a raua e £240, anake, a e tono ana raua kia whakaorangia raua.

Kua whakahaua ahau kia ki penei atu ki te Whare:—

E kitea ana i runga i nga korero i puta i te aroaro o te Komiti i hokona e ia tangata o nga kai-inoi nga eka whenua e 400 ki a Te Wakana (Mr. Worgan) i runga i te mea he kai-whakahaere ia no te Kawanatanga ko te utu £1 mo te eka.

I utua e Te Wakana (Mr. Worgan) ki nga kai-inoi e £240 heoi ano te utu i whiwhi ai raua.

E ki ana a Te Wakana (Mr. Worgan) i utua e ia te toenga o te £800 ki etahi atu Maori.

Kahore i kitea he take tika i utua peratia ai te toenga a kahore he korero ke i whakina ki te Komiti mo taua utunga ko ta Te Wakana (Mr. Worgan) korero anake.

E kitea ana e te Komiti e tika ana kia utua ki nga kai-inoi te toenga o te moni utu.

E whakaaro ana hoki te Komiti me tino kimi rawa nga tikanga o tenei mea inaianei tonu, he mea page 28kia kitea ai mehemea i tika te kupu a Te Wakana (Mr. Worgan) mo te utunga o te toenga a mehemea ka kitea e tika ana i utua ano me kimi kia kitea i utua ki a wai, a heaha hoki te take i utua ai.