[Translation.]
Ko te Kupu a te Komiti mo runga i te Pukapuka-inoi a Hirini Rawiri Taiwhanga ma. (No te tau 1876 i tukua mai ai.)
No tera tau i tukua mai ai tenei pukapuka-inoi, i whakahokia mai notemea kihai te Komiti o tera tau i whai kupu tuturu ki te Whare.
E pouri ana nga kai-inoi mo te mahi a te Kooti Whakawa Whenua Maori i riro ai etahi whenua etoru e tata ana ki Tokerau, e a inoi ana ratou kia whakawakia tuaruatia ranei aua whenua, kia utua ranei ratou ki te £500 moni kia whakahokia ranei ki ia tangata o ratou e 200 eka o roto o nga piihi etoru.
Kua whakahaua ahau kia ki penei atu ki te Whare:—
Ko te mate a nga kai-inoi ma o ratou whanaunga ano e titiro na ratou hoki i hoko nga whenua i te mea ko ratou nga tangata i roto i nga karaati, a kahore i tika ta ratou wehewehenga i te moni ki era atu tangata kahore nei o ratou ingoa i roto i nga karaati. Kahore he kupu tuturu i whakapuakina ki te aroaro o te Komiti koia i kore ai he kupu pehea ranei mo tenei mea.
John Bryce,
Tumuaki.