[Translation.]
Ko te Kupu a te Komiti mo runga i te Pukapuka-inoi a Paora Tuhaere ma.
E ki ana nga kai-inoi he mea hoatu noa e ratou te whenua mo te Rerewe i waenganui o Te Awaroa o Pitoitoi kahore he utu, i runga i te whakariteritenga kia haere utu kore nga Maori i runga i te rerewe, kia whakaturia hoki he whare mo ratou a e ki ana ratou kua hapa ratou i enei mea e rua koia ratou i tono ai kia whakaputaina he ora ki a ratou.
page 24Kua whakahaua ahau kia ki penei atu ahau ki te Whare:—
Kahore rawa he take mo te kupu e ki nei i whakaaetia kia haere utu kore nga Maori i runga i te rerewe mo nga tau e toru i runga i ta ratou hoatu noa i nga whenua mo te huarahi o te Rerewe ki Kaipara. Engari kua kitea e tika ana i whakaae ano a Mr. Sheehan i te wa i homai ai te whenua kia whakatapua he wahi unga ki uta mo nga Maori i te teihana i Te Awaroa i te teihana i Waitemata a kia whakaturia hoki he whare hei nohoanga mo nga Maori e haere ana i runga i te Rerewe. E ki kaha atu ana te Komiti kia tere tonu te whakaea i aua kupu whakaaetanga ra.
John Bryce,
Tumuaki.