[Translation.]
Ko te Kupu a te Komiti mo runga i te Pukapuka-inoi a Matiaha Mokai.
E ki ana te kai-inoi kua maha nga whakawakanga o te Ahikouka e nga Komiti o nga Rangatira Maori, a whakataua tonutia te tika ki a ia. Kua rua nga whakawakanga a te Kooti Whenua Maori ko taua tu ano, a e rua hoki nga whakapuakanga kupu a te Komiti o te Whare i kowhiria i runga i te Pooti a te Iwi kia whakaputaina te Karauna karaati, otiia kahore ano aua kupu i whakaritea noatia.
Kua whakahaua ahau kia ki penei atu ki te Whare:—
Mo tenei pukapuka-inoi kahore rawa e awangawangatia te tika o nga kupu o roto. I penei te kupu a te Komiti mo nga mea Maori i tera tau:—
"Ko te whakaaro o te Komiti kua whakanuia e te Tari Maori te wehi kei tupu he raruraru i runga i te whakaputanga o te Karauna karaati.
"Koia i whakapuakina ai e te Komiti ta ratou whakaaro kia tere te whakaputa te Karauna karaati i runga i te Tiwhikete i runga hoki i nga tikanga o te Ture."
Kahore te Komiti e whakapono tera ano he take i mea ai te Kawanatanga ekore ratou e whakaae ki te whakamana i taua kupu.
John Bryce,
Tumuaki.