Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1877.

[Translation.] — Ko te Kupu a te Komiti mo runga i te Pukapuka-inoa a Hone te Awa ma. (No te tau 1876 i tukua mai ai.)

[Translation.]
Ko te Kupu a te Komiti mo runga i te Pukapuka-inoa a Hone te Awa ma. (No te tau 1876 i tukua mai ai.)

Ko tenei pukapuka-inoi no tera tau i tukua mai ai a i whakahokia mai notemea kahore te Komiti o tera tau i whai kupu tuturu ki te Whare:—

E ki ana nga kai-inoi kua tinihangatia ratou i o ratou whenua e tata ana ki Pewhairangi notemea i whakaae ratou kia uru ko te ingoa o Parore anake ki roto ki te karaati. E ki ana ratou, i te wa i hokona ai te whenua i utua ai te moni kahore ratou i whiwhi ki tetahi kapa o te utu a i ta ratou tononga kia whakawakia tuaruatia taua whenua i te aroaro o te Kooti kahore i whakaaetia ta ratou tono. E inoi ana ratou kia utua kia ratou £1,000 o te moni utu, a ki te kore tena, kia hoatu ki a ratou kia 12,000 eka whenua.

page 22

Kua whakahaua ahau kia ki penei atu ki te Whare:—

E kitea ana i runga i nga kupu i whakapuakina i te aroaro o te Komiti kihai i whakaaetia e te Kawana i roto i tona Runanga nga tono kia whakawakia tuaruatia tenei whenua, ko te take he kupu tohutohu pera na te Tumuaki o nga Kai-whakawa o te Kooti Whenua Maori. I runga i te tikanga o te ture kei te Kawana i roto i tona Runanga he mana whakaae pehea ranei a kahore he whakaaturanga i tae mai ki te Komiti e kiia ai kihai taua mana i whakahaerea tikatia. Kahore he mea ma te Komiti, heoti ano ra he tuku i te pukapuka-inoi ki te Kawanatanga kia tirohia e ratou.

John Bryce,
Tumuaki.

Hepetema 19, 1877.