[Translation.]
Ko te kupu a te Komiti mo runga i te Pukapuka-inoi a Hori More.
E ki ana te kai-inoi i tono ia kia whakawakia tuaruatia tetahi whenua i whai take ai ia, ki te aroaro o te Kooti Whenua Maori, i whakaaetia tana tono, a i whakahaua kia tu taua whakawa tuarua ki mua atu o te 28 o Pepuere, 1874, otira kahore i rite taua whakahaunga a e tono ana ia kia whakamana.
Kua whakahaua ahau kia ki penei atu ki te Whare:—
Me tono atu ki te Kawanatanga kia tirohia e ratou tenei mea kia ahei ai te whakahaere te tikanga kia whakawakia tuaruatia ai tenei whenua.
John Bryce,
Tumuaki.