[Translation.]
Ko te Kupu a te Komiti mo runga i te Pukapuka-inoi a Arihi te Nahu.

E tono ana te kai-inoi kia kaua e hoki ki muri te whai manatanga o te Pire mo nga marena Maori, 1877, e whakamana nei i etahi tikanga i hapa i nga marenatanga a nga Maori ki a ratou whaka-Maori a e whakaatu ana i nga take e pa he ai ki a ia te whakahokinga o te mana o taua Ture ki muri.

Kua whakahaua ahau kia ki penei atu ki te Whare:—

Tera ano tetahi Pire whakariterite i nga tikanga mo nga mea e whakahuatia ana i roto i te pukapuka-inoi he whakamana hoki i nga marena Maori, kei te aroaro o te Whare, koia i mea ai te Komiti ma te Whare e whiriwhiri nga kupu o tenei pukapuka-inoi a te wa e korerotia ai taua Pire.