[Translation.]
Ko te Kupu a te Komiti mo runga i te Pukapuka-inoi a Te Wunu te Rangiwerohia ma.
E tono ana nga kai-inoi kia whakawakia nga take Whenua Maori e nga Komiti Maori anake. Kia mutu te hoko Whenua Maori a te Kawanatanga. Kia turakina te Pire Kooti Whenua Maori, 1877. Kia mutu te mana a te Kawanataga ki runga ki nga Whenua Rahui a nga Maori. Kia mutu nga Ruri, a mehemea ka kore nga Teihana e pakarutia e te Kawanatanga ma ratou e pakaru. Kia pakarutia nga pauna katoa e paunatia ai nga kau me nga hoiho a te Maori. Kia turakina te Kawanatanga me nga Porowini e 39. Kia whakaritea te maha o nga mema Maori o te Paremete kia rite ki nga mema Pakeha, a kia pana nga kai-whakawa katoa kua mahi he. E mea ana hoki ratou he mea he te whakaputa Karauna karaati mo nga Whenua Maori, e he ana hoki ki ta ratou te whakatakoto huarahi i runga i nga Whenua Maori.
Kua whakahaua ahau kia ki penei atu atu ki te Whare:—
Kahore te Komiti i whakaaro he mea tika kia whai kupu ratou mo runga i nga tini mea e whakahuatia ana i roto i tenei pukapuka-inoi, tetahi hoki he maha no nga putake he rere ke no nga whakaaro i whakapuakina, i kore rawa ai e taea te whai kupu marama.
John Bryce,
Tumuaki.