[Translation.]
Ko te kupu a te Komiti mo runga i te pukapuka-inoi a Ihaka Tekateka ma.

E tono ana nga kai-inoi kia whakahokia ki a ratou tetahi whenua, ko Rai te ingoa, no o ratou tupuna, ko taua whenua kei waenganui o te Hoiere o Whakatu, te take e ki ana ratou kahore taua whenua i uru ki te hokonga a Ngatitoa o te Hoiere o Kaituna ki te Kawanatanga.

Kua whakahaua ahau kia ki penei atu ki te Whare:—

He nui te raruraru o te pukapuka-inoi o nga korero hoki i whakapuakina i te aroaro o te Komiti koia i kore ai te Komiti e whakaaro e whai tikanga ana nga tono o te pukapuka-inoi, ekore hoki ratou e kaha ki te tohutohu atu ki te Whare kia whiriwhiria paitia.