[Translation.]
Ko te kupu a te Komiti mo runga i te Pukapuka-inoi a Toha Rahurahu ma.

E whakahe ana nga kai-inoi ki nga tikanga o te Ture Kooti Whenua Maori i homai nei i roto i tenei tau a e inoi ana ratou kia whakamana te Kaiwhakawa Tuturu me whiriwhiri hoki nga Maori tekau ma rua hei whakahaere i nga mahi e tika ana kia mahia mo nga Whenua Maori i roto i to ratou Takiwa.

Kua whakahaua ahau kia ki penei atu ki te Whare:—

Kua oti te whiriwhiri te putake o tenei Pukapuka-inoi e te Whare, a kua unuhia taua Ture, koia e kore ai te Komiti e whakaaro kia whai kupu ratou mo nga tikanga o nga mea e whakahuatia ana i page 12roto i taua pukapuka-inoi. Engari e mahara ana te Komiti notemea era ano e hanga he Ture mo nga Whenua Maori me ata whiriwhiri marire e te Whare, e te Kawanatanga hoki nga whakaaro e whakahuatia ana i roto i tenei me etahi atu pukapuka-inoi e rite ana ki tenei.