[Translation.]
Ko te Kupu a te Komiti mo runga i te Pukapuka-inoi a Wi Katene te Mapu ma.
E whakahe ana nga kai-iuoi ki nga Ture e whai mana ana inaianei mo nga Whenua Maori e mea ana hoki ratou kia kaua e whakaaetia te Ture Whenua Maori kua homai ki te Paremete i roto i tenei nohoanga. E whakaaro ana nga kai-inoi kia waiho kia tarewa nga Ture mo nga Whenua Maori ki ta ratou ki hoki kahore he take e kaikatia ai, notemea kahore e kawea e nga Maori o ratou whenua ki tetahi wahi ke ki te hoatu ranei ki raro o te mana o Wiwi, engari ka noho tonu ratou i raro i te mana o te Kuini.
Kua whakahaua ahau kia ki penei atu ki te Whare:—
Kua oti te whiriwhiri te putake o tenei Pukapuka-inoi e te Whare, a kua unuhia taua Ture, koia e kore ai te Komiti e whakaaro kia whai kupu ratou mo nga tikanga o nga mea e whakahuatia ana i roto i taua pukapuka-inoi. Engari e mahara ana te Komiti notemea era ano e hanga he Ture mo nga Whenua Maori me ata whiriwhiri marire e te Whare, e te Kawanatanga hoki nga whakaaro e whakahuatia ana i roto i tenei me etahi atu pukapuka-inoi e rite ana ki tenei.
John Bryce,
Tumuaki.