Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1877.

Ko te kupu a te Komiti mo Runga i te Pukapuka-inoi a Reha Aperahama me etahi atu

Ko te kupu a te Komiti mo Runga i te Pukapuka-inoi a Reha Aperahama me etahi atu.

E mea ana nga kai-inoi ko ratou nga tino tangata no ratou tera whenua kei Hauraki, ko te Aroha te ingoa notemea ko Marutuahu to ratou tupuna. Engari kua utua e Tiemi Make etahi moni ki etahi atu iwi mo taua whenua, ahakoa kahore rawa o ratou tupuna i tata ki taua whenua. E mea ana nga kai-inoi me whakatau aua moni ki runga ano i nga tangata na ratou i tango, kaua ki runga i te whenua o nga kai-inoi.

Kua whakahaua ahau kia ki penei atu ki te Whare:—

I runga i nga korero kua whakapuakina ki te aroaro o te Komiti, e uru ana ki roto o tenei pukapuka-inoi nga take o te tangata ki te whenua, a he nui nga mea pakeke o roto, kahore i te mohiotia. Ko nga take ki te whenua e whakaaturia ana i roto o tenei pukapuka-inoi, ka maha noatu nga taenga ki te Kooti Whenua Maori engari ko te whakatau a taua Kooti mehemea nei kahore i marama, a kua tupu ake he raruraru tetahi take na te utunga moni ki etahi iwi e kiia ana e hara ratou i nga tangata tika hei tango. I te mea kahore e taea e te Komiti te tino whakaatu i a ratou whakaaro, engari ka mea ano ratou kia mahia ano taua mea e te Kooti Whenua Maori.

John Bryce,
Tumuaki.

Nowema 9, 1877.
page 43