[Translation.]
Ko te Kupu a te Komiti mo runga i te Pukapuka-inoi a Arihi te Nahu.

E ki ana te Kai-inoi e mea ana a Mr. Henry Robert Russell (Henare Rata), kia riro i a ia tona whenua (to Arihi) kei Te Aute i te porowini o Haaku Pei i runga i te kupu kua hokona e ia i te kai-inoi. E ki ana te kai-inoi i hokona tikatia e ia tetahi whenua ki a Te Keneroiho (Kinross) a ko te £1,700 i hoatu e Henare Rata ki a ia, i whakapaua atu ranei e ia hei utu mahi whakawa i Poneke ehara i te utu whenua, engari he mea kia noho tonu ai te kai-inoi i a Henare Rata, koi haere atu ki tetahi pakeha ke.

Kua whakahaua ahau kia ki penei atu ki te Whare:—E pouri ana te Komiti notemea kahore ratou i whai taima ki te uiui i nga tikanga e taea ai e ratou te whakaputa i tetahi whakaaro ma ratou mo runga i nga kupu o tenei pukapuka-inoi.