Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1876.

[Translation.] — Ko te Kupu a te Komiti mo runga i te Pukapuka-inoi a Hori Tauroa

[Translation.]
Ko te Kupu a te Komiti mo runga i te Pukapuka-inoi a Hori Tauroa.

E tono ana nga Kai-inoi kia whakaputaina ki a ratou nga Karauna karaati mo te tunga whare karakia ki Waiuku me etahi piihi i te taha o taua tunga whare karakia.

E tono ana hoki ratou kia whakaeangia o ratou taonga i ngaro i nga hoia i te wa o te whawhai e tono ana hoki ki tetahi waka kei te Kawanatanga inaianei.

Kua whakahaua ahau kia ki penei ahau ki te Whare:—

Mo runga i te pouri a te kai-inoi mo te kore whakaae a tetahi tangata Maori ki te wehewehenga a Meiha Whiwhi raua ko Maiho kai whakamaori i etahi whenua Rahui i Waiuku e mahara ana to koutou Komiti e marama ana te tono a nga kai-inoi a me homai ki te Whare kia hanga tetahi Ture hei whakamana i te whakariteritenga a Meiha Whiwhi raua ko Maiho e kitea iho ana hoki i whakaaetia katoatia e nga tangata ma ratou te whenua, ara i tata ki te katoatanga.

Tetahi tono i roto i te pukapuka-inoi mo te Karauna karaati ki te Hahi o Ingarangi mo tetahi tunga whare karakia i hokona i hoatu ranei e nga Maori ki te Hahi a kahore ano kia puta noa te Karauna karaati ki te Kai-inoi me etahi atu Maori mo etahi whenua e tata ana ki te tunga o te wharekarakia. E whakaaro ana te Komiti he mea whakaae te hokonga e nga Kai-inoi o te tunga o te wharekarakia e te Kawanatanga a kei te Whare tetahi Ture inaianei e mahia ana kia ahei ai te whakaputa i te Karauna karaati.

Kahore he he ki ta te Komiti whakaaro kia tine whakatuturutia tenei Ture. Mo te wahi i te taha, kahore i whakaaturia mai e te kai-inoi he korero hei whakatuturu i tana tono. Ko nga korero i korerotia ki te aroaro o te Komiti e ahua whakahe ana i te tono a te kai-inoi, a kahore ratou e marama ki te whakaaro i tetahi kupu mo reira.

Mo runga i tera wahi o te pukapuka-inoi e whai tikanga ana ki runga ki te tono a te kai-inoi me etahi atu tangata Maori mo te moni e whakaarohia ana kia utua mo tetahi waka-taua nunui i tangohia e nga hoia o te Koroni i te wa o te whawhai ki Waikato e mea ana te Komiti kua kimihia e ratou kahore e whakaarohia ana kia utua he moni mo taua waka, a e pai noa atu ana te Kawanatanga ki te whakahoki i taua waka ki nga tangata no ratou taua waka. E mahara ana te Komiti ma te whakahokinga o te waka ki te wahi i tangohia ai ki tetahi wahi ranei e tata ana ki reira ka kore atu ai nga putake pouri.

John Bryce, Tumuaki.

Hurae 27, 1876.