[Translation.]
Ko te Kupu a te Komiti mo runga i te Pukapuka-inoi a Timoti Ropitini.

He pukapuka-inoi tenei na tetahi hawhe-kaihe no Akaroa, e ki ana ia e whai tikanga ana ki tetahi whenua e 50 eka te nui i hokona e nga Maori ki nga Pakeha, engari kua hokona i mua noa atu e te papa o te Kai-inoi. E inoi ana ia kia whakahokia ki a ia te 50 eka ra.

Kua whakahaua ahau kia ki penei atu ki te Whare:—Notemea kahore te Kai-inoi i whakaatu korero mai hei whakakaha i nga kupu o tana pukapuka-inoi i tae atu te kupu a te Komiti kia uiuia nga tikanga e te Taka, minita, ki runga tonu ki te whenua, engari ko te ritenga o taua uiuinga kihai i hapai i te Kai-inoi.

Koia i kore ai te Komiti e kaha ki te ki atu ki te Whare kia whakaarohia paitia te inoi o te Kai-inoi.