[Translation.]
Ko te kupu a te Komiti mo runga i te Pukapuka-inoi a nga tangata o Ngaiterangi.

No Ngaiterangi nga Kai-inoi e ki ana ratou e whai paanga ana ratou na to ratou whaea, ki tetahi whenua kei Tauranga tona nui 13,000 eka 15,000 ranei, ko taua whenua i tangohia mo te hara o to ratou iwi a e ki ana nga kai inoi kahore ratou e pai ki te wahi i whakaritea hei nohoanga mo ratou a e inoi ana ratou ki te Whare ki a apititia ano he whenua.

Kua whakahaua ahau kia ki penei atu ki te Whare:—Kahore a nga kai-inoi korero i whakapuakina hei whakakaha i to ratou tono a ko nga mea i taea te patai e te Komiti ki nga Apiha o te Kawanatanga, kihai i marama i runga i te taha ki nga kai-inoi. I runga i enei tikanga kahore te Komiti e marama ki te whakaatu i tetahi kupu tuturu ma ratou mo nga kupu o tenei pukapuka-inoi.