[Translation.]
Ko te Kupu a te Komiti mo runga i te Pukapuka-inoi a etahi Maori whai Whenua i Hauraki.

E ki ana nga Kai-inoi i whakatapua he wahi mahinga kai mo ratou i te whakatuwheratanga o te whenua koura i Hauraki otira kua riihitia kua tukua atu aua wahi e ratou i runga i to ratou whakakaaro ka whiwhi ratou ki nga maina-raiti katoa e puta mo reira, otira e ki ana ratou kahore ano he moni pera i puta ki a ratou. E inoi ana ratou ki te Whare kia kiia kia utua ki a ratou nga moni katoa e puta ana i aua mea, ki te kore, e whakaputa ana i ta ratou kupu pouri kei tutakina e ratou to ratou whenua kei mahia a mua ake nei.

Kua whakahaua ahau kia ki penei atu ki te Whare:—E mea ana te Komiti ma te Kawanatanga tenei mea e whiriwhiri kia whai huarahi at a Te Kereama ki te tuku atu i nga take e tautohetia ana ma tetahi runanga whakawa whai mana e whakaoti.