[Translation.]
Ko te Kupu a te Komiti mo runga i te Pukapuka-inoi a Tukukino me ona hoa 113.

E ki ana nga kai-inoi kua whakaurua hetia tetahi whenua no ratou kei Ohinemuri ki roto ki te whenua i hokona ki a Mr. Thorpe, a kahore ratou i tae atu ki te whakahe i te hoko notemea kahore ratou i mohio e hokona ana.

Ko te ahua o tenei mea he whakahou i tetahi tautohe tawhito, kua whakaaturia nga pukapuka me nga reta ki te Komiti engari kahore he kupu hou i puta.

Kua whakahaua ahau kia ki penei atu ki te Whare:—Kahore rawa te Komiti e kaha ki te ki tuturu mehemea he take tika kahore ranei mo te tono a nga kai-inoi, heoi ano te kupu ma te Komiti he ki atu kia kimihia e te Kawanatanga ki a ratou apiha e noho ana ki taua takiwa, kia kitea ai mehemea e tika ana te pouritanga o nga kai-inoi.