[Translation.]
Ko te Kupu a te Komiti mo runga i te Pukapuka-inoi a Tamati Paetai me ona hoa 13.
Ko te tikanga o tenei Pukapuka-inoi mo tetahi take whenua tawhito i mahia i mua noa atu e te Kooti Whakariterite Take Whenua, i kiia kia whakaputaina he Karauna karaati ki tetahi pakeha ko McCaskill te ingoa.
E whakaaetia ana ano e nga kai-inoi te hoko o mua ki te pakeha, otira e ki ana ratou kua tangohia e ia ki roto ki tana ruri tetahi piihi whenua kihai i uru ki te hoko tawhito.
Kua whakahaua ahau kia ki penei atu ki te Whare:—Kahore rawa te Komiti e kaha ki te kimi i nga tikanga o te Pukapuka-inoi heoi ano te mea e taea ko te tuku atu ki te Kawanatanga ma ratou e mahi. Tera pea ka taea te whakahaere he tikanga mo tenei mea i runga i nga ritenga o "Te Ture Whenua Maori, 1873," e tau ana ki nga take whenua tawhito; engari ki te kore tena e taea, e mea ana te Komiti me tono ki te Kawanatanga kia kimihia nga tikanga, i reira ano i te wahi e takoto ai te whenua, e tetahi apiha o te Kawanatanga e noho ana ki reira.
John Bryce,
Tumuaki.