[Translation.]
Ko te Kupu a te Komiti mo runga i te Pukapuka-inoi a Tapa te Waero, he Rangatika no Ngarauru.

E rua tekau ma whitu nga rarangi o tenei pukapuka-inoi e whakaaturia ana i roto nga whakahaere me nga mahi a te iwi Ngarauru i waenganui o nga tau 1865, 1875.

E whakaaturia ana e te kai-inoi nga take o ratou ko tona hapu ki etahi whenua e tata ana ki te awa o Waitotara, i tangohia mo te hara o te iwi, e whakaaturia ana hoki nga tikanga mahi a ratou ko ona hoa.

E ki ana ia ahakoa i uru tahi tona iwi ki a Titokowaru i te tau 1868, i tana whawhai ki nga Pakeha, he mea whakawehiwehi i uru ai, a i whakaorangia e ratou etahi Pakeha i taua wa; ai murua ta ratou hara whawhai ki a te Kuini i runga i ta ratou urunga tahitanga ki nga Pakeha ki te whawhai ki a Te Kooti.

E ki ana te kai-inoi i nohoia e ia i roto i nga marama kua pahure tata atu nei tetahi whenua kei Okotuku e tata ana ki ana mahinga kai o mua a i tu te whakawa mona i roto i te Hupirimi Kooti ki Whanganui mo taua mahi ana.

I taua wa i ki te Kai-whakarite Whakawa ki a ia kia kaua ia e pokanoa ki te tango i te Ture ki roto ki ona ringaringa, a i runga i taua kupu tohutohu kua tuku pukapuka-inoi mai ia ki te Paremete a e inoi ana ia kia kimihia rawatia te tikanga mona.

Kua whakarangona e te Komiti nga korero a te kai-inoi mo runga i nga kupu o te pukapuka-inoi, kua uiuia hoki a Wi Parata, a Wi Tako, a Meiha Keepa, a Ta Tanara Makarini, me Kapene Rei, te Komihana whakahaere o Patea mo nga whenua i tangohia mo te hara o te iwi.

page 16

Kua whakahaua ahau kia ki penei atu ki te Whare:—Ki te mahara a te Komiti me kimi to tikanga mo te kai-inoi kia kitea ai mehemea e tika ana ranei, e he ana ranei ana kupu e ki nei kahore tona hapu i whakawhiwhia ki tetahi whenua i Waitotara hei kainga nohoanga mo ratou. A mehemea ka kitea kahore ano kia whakaritea ki runga ki tenei hapu te whakaaro tuatahi o te Kawanatanga kia whakaritea he whenua e tika ana hei nohoanga mo Ngarauru ki tetahi wahi tata ki a ratou mahinga o mua e whakaaro ana te Komiti kia whakaritea he whenua hei nohoanga mo te hapu o te kai-inoi mehemea ka taea i runga i aua whakaaro tuatahi.