[Translation.]
Ko te Kupu a te Komiti mo runga i te Pukapuka-inoi a Hoani Turi te Whatahoro me tetahi
E ki ana nga kai-inoi kua riro tetahi whenua o ratou ki roto ki tetahi whenua i hokona e te Kawanatanga ki a Robert Bidwill, o Pihautea, Wairarapa, e inoi ana ratou kia kimihia tana tikanga kia taea ai te whakahoki i ta ratou whenua ki a ratou.
Kua whakahaua ahau kia ki penei atu ahau ki te Whare:—E kitea ana i runga i nga kupu i whakina i te aroaro o te Komiti he he pea kei te ruritanga o te rohe o te whenua e whakahuatia ana i roto i te pukapuka-inoi. E mea ana te Komiti kia kimihia e te Kawanatanga te tikanga, a kia kaua e whakaroaina noatia, kia ahei te whakarite he whakaoranga mehemea ka kitea kua pa he mate ki nga kai-inoi.
John Bryce,
Tumuaki.