[Translation.]
Ko te kopu a te Komiti mo runga i te Pukapuka-inoi a Ihaia tainui me tetahi atu.

E ki ana nga kai-inoi ko etahi whenua porowhita kei Arahura i tukua ki te Kawanatanga i runga i etahi tikanga e kiia ana e ratou kahore i whakamana.

E mahara ana ratou kahore i whakahaerea paitia e te Kawanatanga o ratou tikanga notemea kua whakapaua etahi moni e tupu ake ana i enei porowhita mo nga mahi Kawanatanga.

E inoi ana ratou ki tukua ratou kia tono ki te Kooti Whakawa Whenua Maori kia kimihia to ratou take ki reira kia ahei ai te whakaputa he Karauna karaati ki ia tangata. E inoi ana hold ratou kia whakahokia to ratou whenua ki a ratou kia utua hoki ratou mo te hanganga rori rerewe hoki i runga i to ratou whenua.

Kua whakahaua ahau kia ki penei atu ki te Whare:—Ki te whakaaro o te Komiti kahore he take tika a nga kai-inoi mo to ratou pouritanga a e maharatia ana e whakahaeretia tikatia paitia ana hoki taua whenua porowhita mo nga Maori e whai tikanga ana ki reira.

E whakaaro ana hoki te Komiti ko te Ture e whakamana nei i te Kawana ki te hoko i aua tu porowhita, me whakatikatika kia whakaritea ai kia kaua e taea he hoko pera engari me matua hanga e te Paremete tetahi Ture mo aua hoko.