No te hawhe-paahi i te rua karaka ka noho te Tumuaki ki runga ki tona nohoanga.

Ka karakia te Whare.

Ka whakahaerea ko nga motini me etahi atu mea ka tae ki nga patai.

Paaka Mo Te Iwi I Waikouaiti.

Tame Parata (mema Maori mo Te Waipounamu.)—Ka patai au ki te Minita mo nga Whenua, Mehemea kua whiriwhiria e te Kawanatanga te pitihana a nga tangata o Waikouaiti e tono nei kia tukua atu te mana wkakahaere mo te Paaka ki tetahi ropu tangata e mohiotia ana tona ingoa ko te Karitane District Improvement Society?

Hooro-Teone (Mr. Hall-Jones, mo te Minita mo nga Whenua).—Ko te rahui Paaka i whakahuatia ake nei kei raro i te mana o te Kaute Kaunihera o Waikouaiti e whakahaere ana i naianei. Engari kua tae te tono kia tukua taua rahui ki etahi kai-tiaki, kia whakapaia e ratou; otira, i te mea e maharatia ana he tokomaha rawa aua kai-tiaki, na reira whakahokia ana taua tono kia whiriwhiria ano e te hung a nana.

Rarangi O Nga Moni A Te Koroni.

No te hawhe-paahi i te whitu karaka i te ahiahi, i tenei ra, ka tu atu a Te Hetana (Right Hon. Mr. Seddon, te Minita mo nga Moni a te Koroni) ki te panui atu i te Rarangi o nga Moni a te Koroni.

Ka mutu tana panui ka hikitia nga whai-korero mo taua take ki tera wiki.

Katahi ka whakahaerea ko etahi Pire.

No te rua tekau meneti te paahitanga o te tekau karaka i te po ka hiki te Whare.