Wenerei, te 30 Akuhata, 1899.
Pitihana A Ani Paki.

Te Ripoata a te Komiti mo nga Mea Maori mo runga mo te Pitihana Nama 16 a Ani Paki me tetahi atu:—

"Kua ata whiriwhiria e te Komiti mo nga Mea Maori te Pitihana Nama 16 a Ani Paki me tetahi atu, i tukuna atu nei ki a ratou, a e penei aua te whakatu, ara:—

"E rite tonu ana tenei pitihana ki tera i tukuna mai e taua kaipitihana ano i te tau 1897, a i ata whiriwhiria e te Komiti mo nga mea Maori o taua tau. Ko ta ratou ripoata o te 24 o Nowema, e penei ana, ara:—

"'I te mea kua ata whiriwhiria e te Komiti te pitihana a Ani Paki, e kitea ana kua rua raw a tukunga o aua putake ki te aroara o te Kooti Whenua Maori a ata whiriwhiria mariretia ana i reira; tetahi hoki, i tukuna atu ano taua pitihana ki te Tumuaki, kia whakaaturia mai tona whakaaro, a kua apitiria ki tenei tana kupu utu mai. E kore te Komiti e kaha ki te, whakatau kia whakaaetia te tono a te kaipitihana.'

"Engari hoki, i te mea kua rongo ano te Komiti ki nga whai korero, e mahara ana ta koutou Komiti he mea tika kia tukuna atu taua putake ki te Kawanatanga ma ratou e whiriwhiri.