Taite, te 20 o Hurae, 1899.
Pitihana a H. K. Taiaroa.

H. K. Taiaroa.—I motini, "Ko te pitihana a Taiaroa, i tukuna atu ki te Kaunihera e te Honore Wiremu Kere i te 21 o Oketopa, tau 1898, me whakatakoto ano ki te tepu o te Kaunihera, ka whakahoki ai ki te Komiti mo nga Mea Maori, kia ata whiriwhiria ano, i runga ano ia i te tikanga o ta ratou whakatau o te 2 o Nowema, 1898." Me whakamarama atu e au, ko taku pitihana i tukuna mai ki te Kaunihera i tera tau, a tae atu ki te aroaro o te Komiti mo nga Mea Maori, a ko etahi o nga korero mo aua putake i taea te whaaki ki te Komiti. A notemea kua tata rawa te mutu o te Paremete i te wa i tae atu ai taua pitihana ki te Komiti, no reira ka maharatia ko te mea pai me waiho mo tenei tau ata whiriwhiri ai, ara me whakahoki atu ano te pitihana ki te Komiti. No reira au ka motini atu nei kia whakahokia atu ano te pitihana, kia taea ai te whaki atu etahi atu korero mo runga mo aua putake.

Te Waaka.—Kaore aku nei whakahe mo te tono a Taiaroa.

Whakaaetia ana.