Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1896-1899

Paraire, te 8 o Hurae, 1898

Paraire, te 8 o Hurae, 1898.

No te hawhe-paahi i te rua karaka ka noho te Tumuaki ki runga ki tona nohoanga.

Ka karakia te Whare.

Ka whakahaerea i te tuatahi ko etahi Pire, ka oti era ka mahia ko nga patai a nga mema; ka maha o era ka oti ka tae ki te patai mo—

Nga Whenua Maori O Te Tai Hauauru.

Te Makuaea (Mr. McGuire, mema mo Hawera).—Ka patai ahau ki te Kawanatanga, Mehemea tera ratou e whakaae ki te whakatikatika i "Te Ture Whakatau Rahui mo te Tai Hauauru, 1892," kia ahei ai nga kai-tango riihi i raro i te Kai-tiaki o te Katoa te tuku i a ratou ki raro i nga tikanga o taua Ture ina hiahia ki te whakamutu ki te whakahou ranei i a ratou riihi?

Te Hetana (Right Hon. Mr. Seddon, Minita mo nga Mea Maori).—He roa nga korero a te Pirimia, otira me whakapoto ake i konei. I penei te aronga o ana kupu whakahoki mo te patai, ae, kei te whakaae te Kawanatanga kia whakatikatikaina taua Ture, engari ina peratia me tupato te mahi kei pa he mate ki nga Maori no ratou nga whenua, a ki nga tangata Pakeha hoki i whakahou nei i a ratou riihi i mua.

Whenua Maori I Rahditia Ki Hastwell.

Te Hoka (Mr. Hogg, mema mo Mahitaone).—Ka patai ahau ki te Minita mo nga Mea Maori, Mehemea tera e whakaae te Kawanatanga kia whakatuwheratia tetahi Rahui Maori, kei Hastwell, ara, kia taea ai te whakanoho ki te Pakeha? Ko taua whenua kei waenganui o Maurieeville me Eketahuna, a tera pea e eke ki te kotahi mano ona eka. He tokomaha rawa nga Pakeha e tata ana ki taua whenua e hiahia ana kia tukuna atu ratou ki te mahi i taua wahi. He toruloru nei nga whare o nga Maori page 17kei runga i taua whenua, a kaore e tino nohoia ana taua wahi e ratou i te mea kei tetahi atu takiwa o ratou kainga tuturu, a takoto noa iho ai taua whenua.

Te Hetana (Right Hon. Mr. Seddon, Minita mo nga Mea Maori).—Kaore te Kawanatanga e whakaae kia whakatuwheratia taua whenua rahui ki te Pakeha, te take kua tae mai ki te Kawanatanga te whakaatu a nga Maori no ratou taua wahi kei te hiahia ratou kia waiho taua whenua hei kainga tuturu mo ratou. Ka nui ano te he o ta nga Maori e waiho nei i taua whenua kia takoto kau, he oranga ngakau mehemea e mahia ana e ratou taua whenua, kia-puta ai he rawa ki nga Maori no ratou te whenua. Otira i te mea koi ra anake pea te whenua o aua Maori, a i te mea hoki na aua Maori i hoko nga whenua o waho ake i taua rahui ki te Karauna, kaati, e kore ano e tika kia tangohia taua rahui hei kainga mo nga Fakeha. Otira maku e ata uiui ano tenei mea.

Nga Maori Kore Whenua.

Tame Parata (mema Maori mo Te Waipounamu).—Ka patai ahau ki te Minita mo nga Whenua, Mehemea kei te pehea te haere o nga ruri mo nga tekihana whenua i wehea nei mo nga Maori kore whenua i te takiwa ki Waiau, wahi o Murihiku?

Te Hetana (Right Hon. Mr. Seddon, Minita mo nga Mea Maori).—Kaore e roa ka whakatakotoria ki runga ki te teepu o te Whare nei te ripoata a nga Komihana i whakaturia hei uiui i tenei mea. Kua oti nga rori o te taha whakate-hauauru o Waiau te whakatakoto, a kua tau i nga Komihana te tikanga e wawahia ai e roherohea ai nga whenua, ara, nga piihi ma ia tangata, ma ia whanau ranei, a ka whakahaua i naianei kia whakahaerea nga ruri.

Katahi ka whakahaerea etahi atu patai maha me etahi Pire a mutu noa.

No te tekau meneti te paahitanga o te tekau ma rua o nga haora i te po ka hiki te Whare.