No te hawhe-paahi i te rua karaka ka noho te Tumuaki ki runga ki tona nohoanga.

Ka karakia te Whare.

Ka whakahaerea te panuitanga tuarua, tuatoru hoki, o tetahi Pire me etahi atu mahi ka tae ki—

Te Reriwe Mo Te Tai Rawhiti.

Te Makarini (Mr. McLean, mema mo Nepia).—Ka patai ahau ki te Minita mo nga Mahi Nunui o te Koroni, Mehemea kua oti te ruri o te raina mo te Reriwe o te Tai Rawhiti o Aotearoa; a mehemea kaore ano i oti, mo a hea oti ai?

Hooro-Teone (Hon. Mr. Hall-Jones, Minita mo nga Mahi Nunui).—Ka toru ka wha marama pea nga kai-ruri e mahi ana a kua tae ki Kihipane (Turanganui) ta ratou ruri. He mahi uaua taua ruri, a tera e pau te tekau ma rua marama e mahi ana ka tino oti. Kia oti maku e whakatakoto ki te aroaro o te Whare nga moni e taea ai te mahi o taua reriwe.

Haere tonu nga mahi a te Whare a po noa, a awatea noa i te rahoroi. No te rua karaka i te rahoroi ka timata ano a po noa.

Nga Mahi A Te Paremete O Te Tau 1898.

No tenei ra ka whakatakotoria ki runga ki te Teepu o te Whare te Rarangi Apiti e mau ake nei, hei whakaatu i nga mahi i mahia e te Paremete i tenei tuunga:—

1.	Nga Komiti Motuhake— Mo nga mahi a te katoa 24 Mo nga Pire a ia mema ake 2 — 26.
2.	Nga Pire mo Katoa— Nga Pire i whakaaetia e te Kuini 67 Nga Pire i puritia kia whakaaetia e te Kuini 1 Nga Pire i whakarerea 85 — 153
3.	Nga Pire a Nga Mema Ake— Nga Pire i whakaaetia e te Kuini 2 Nga Pire i whakarerea 1 — 3
4.	Nga Pitihana i tukua ki te Whare— A nga Pakeha 303 A nga Maori 87 — 390
5.	Nga Pootitanga— I roto i te Whare 64 I roto i te Komiti 160 — 224
6.	Nga Huinga o te Whare— Nga ra i noho ai 80 Nga haora i noho ai 784
7.	Nga Pooti me nga Whakahaere— Nga patai ki nga Minita 727 Nga putake i tuhituhia ki roto ki nga pukapuka o te Whare 1,273 —— 2,000
8.	Nga Ota mo nga Pukapuka 116
9.	Nga Pukapuka i Whakatakotoria ki runga ki te Teepu o te Whaee— Mea whakahau 63 Nga ritana ki nga ota 96 I runga i te Ture 78 I runga i te whakaae 36 Nga pukapuka i perehitia 198 Nga pukapuka kihai i perehitia 75 — 556
10.	Nga Ripoata o nga Komiti Motuhake— Nga ripoata a te Komiti mo nga pitihana A tae atu ki te L 115 Nga ripoata a te Komiti M tae atu ki te Z 92 Nga ripoata a te Komiti mo nga Mea Maori 108 Nga ripoata a te Komiti mo nga Whenua Takoto kau 45 Nga ripoata a te Komiti mo nga Whenua Koura me nga Maina 14page 59 Nga ripoata a te Komiti mo nga Pire Takiwa 31 Nga ripoata a te Komiti mo nga Reriwe 45 A etahi atu Komiti 53 — 503

Hikitanga O Te Whare Ki Te Tera Tau.

No te whakatakotoranga atu o te motini kia hiki te Whare ki tera tau.

Waahi ana te Whare.

Koia enei e mau ake nei nga mema honore i rokohanga e tenei pootitanga whakamutunga o te Whare. Kua taki hokihoki etahi ki o ratou nei kainga.

I te Ae, 34.

• Allan, E. G.
• Bollard
• Brown
• Cadman
• Carroll
• Crowther
• Duncan
• Field
• Fisher
• Flatman
• Fraser
• Graham
• Guinness
• Hall-Jones
• Hogg
• Houston
• Hutcheson, J.
• Kaihau
• Lang
• Mackenzie, M.
• Millar
• Monk
• Morrison
• Rolleston
• Russell
• Sligo
• Stevens
• Symes
• Thompson, T.
• Thomson, J. W.
• Ward
• Wilson.
• Kai-tatau.
• McGowan
• Mills.

I te No, 13.

• Carson
• Duthie
• Heke
• Lawry
• Lethbridge
• Massey
• O'Meara
• O'Regan
• Parata
• Pirani
• Steward.
• Kai-tatau.
• Buchanan
• Hutchison, G.

Te putanga, 21.

Whakaaetia ana te motini.

No te rima meneti te paahitanga o te tahi karaka i te po ka hiki te Whare.