Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1896-1899

Wenerei, te 5 o Oketopa, 1898

Wenerei, te 5 o Oketopa, 1898.

No te hawhe-paahi i te rua karaka ka noho te Tumuaki ki runga ki too a nohoanga.

Ka karakia te Whare.

Ka whakahaerea etahi Pice me nga ripoata o etahi o nga Komiti o te Whare, ka mutu era ka mahia ko nga patai. Ka maha nga mea ka oti ka tae ki te patai a Tame Parata mo nga—

Maori Me Nga Hawhe-Kaihe.

Tame Parata (mema Maori mo Te Waipounamu).—Ka patai ahau ki te Minita mo nga Whenua, Mehemea e rite tahi ana te mana o nga Maori me nga hawhe-kaihe ki to nga Pakeha, i raro i nga tare o te koroni, ki te tango whenua ma ratou i roto i nga whenua Karauna e tuwhera ana hei whakanohonohoaoga ki te tangata, ahakoa kei te hea wahi o Niu Tireni aua whenua e takoto ana? Kua tonoa mai ahau kia ui i tenei patai e nga Maori o Te Waipounamu e hiahia ana ki te noho i runga i nga whenua Karauna. Tera etahi Maori kaore e rahi ana o ratou paanga whenua i naianei hei oranga mo ratou, a e hiahia ana kia whiwhi ratou i etahi whenua Karauna, a ki taku mahara e tika ana kia ata whakaritea e te Kawanatanga tera hiahia o ratou.

Te Makenehi (Hon. Mr. J. McKenzie, Minita mo nga Whenua).—I raro i te Tiriti o Waitangi he pononga no te Kuinitanga o Ingarangi nga Iwi Maori, no reira e uru tahi ana ratou ki nga painga katoa e puta ana ki nga pononga o Ingarangi.

He Mema honore.—Kaore.

Te Makenehi (Hon, Mr. J. McKenzie).—Kaati ra, e tika ana ratou ki te tono i nga whenua Karauna hei noho ma ratou. Kaore kau hoki he kupu i roto i a tatou ture whenua hei arai atu i a ratou kia kaua ai ratou e tango whenua ma ratou pera ano me nga Pakeha e tango nei. Engari, ina tango whenua te Maori mana, me tuhi rawa me oati rawa e ia etahi kupu kua oti i te ture te whakarite. Ko nga Maori e whiwhi aua i nga poraka whenua nunui, pera me etahi o nga mema honore e noho nei i te taha Apitihana, e kore e ahei ki te uru ki roto ki nga maketetanga o aua whenua tawari ai i nga tono a etahi atu tangata, i te mea ka araia ratou e nga kupu tera e hoatu e te Ture Whenua hei oati ma ratou; engari ko nga Maori kore whenua, e kaha ana ki te oati i aua kupu, engari ena, ka rite tahi te ritenga mo ratou ko nga Pakeha kore whenua. E tino kaha ana te hiahia o te Kawanatanga kia tono nga Maori i etahi whenua ma ratou, ina whakapuaretia nga whenua e tata ana ki a ratou hei whakanohonohoanga ki te tangata, kia tahuri ai nga Maori ki te mahi paamu ma ratou.

Ka mutu nga patai ka haere tonu etahi atu mahi a te Whare.

No te paahitauga o te weherua i te po ka hiki te Whare.