Te Raiti Honore Ta Hori Ke Rei Kua Mate.

Te Hetana (Right Hon. Mr. Seddon, Pirimia).—E te Pika, he tu ake taku ki te whakaatu ki te Whare, kua tae mai te waea a te tangata e noho mai nei i Ranana hei mangai mo tenei Kawanatanga ki te Kawanatanga o Ingarangi, ara, te Agent-General, e penei ana tana waea "Tera koe e koa, i te mea ka rongo koe ki tenei waea, kua ki a te Kuini me nehu a Ta Hori Kerei ki roto ki te Wharekarakia o Paora (Saint Paul's), hei te Mane, i te tekau ma rua o nga haora i te awatea, nehua ai ia ki reira."

Ka mutu tenei ka mahi tonu te Whare i etahi atu mea.

No te hawhe-paahi i te whitu karaka i te ahiahi i tenei ra ka tahuri te Whare ki te Komiti i te Pire Penihana mo nga Kaumatua. Na runga i te uaua ka roa tenei Pire e mahia ana. Heoi mahi tonu te Komiti a awatea noa, mahi tonu i te aonga ake, i te rahoroi, a tae noa ki te weherua i taua po, katahi auo te Whare ka hiki mo te Mane mahi ai ano.