Pire E Pa Ana Ki Nga Wira Tupapaku.

Te Makesapa (Mr. McNab, mema mo Mataura).—Ka motini kia panuitia tuaruatia te Pire.

Ka mutu ia ka tu ake ko te Pirimia me etahi atu mema, ka waenganui te korerotanga o te Pire ka tu atu ko—

Tame Parata (mema Maori mo Te Waipounamu).—Ki taku mahara ka pa tenei Pire ki nga iwi Maori, a mehemea e pera ana, kaati, kia tu Komiti te Whare ka motini au i tetahi menemana kia kapea te iwi Maori ki waho o nga tikanga o tenei Pire. Me tohutohu atu ahau he taonga ano to nga Maori, ara, ko te Kooti Whenua Maori, hei whakahaere i o ratou whenua tae noa ki nga wira a o ratou tupapaku, a ki te kore ratou e kapea ki waho o nga ritenga o tenei Ture ka kumea ratou ki roto ki te Hupirimi Kooti. I mua e kawea ana nga wira a nga Maori ki te Hupirimi, Kooti, engari na te Ture o te tau 1894 ka tangohia atu te mana i te Hupirimi Kooti, ka hoatu ma te Kooti Whenua Maori anake e whakahaere nga wira Maori. E tumanako atu ana toku ngakau tera e whakaae te mema honore kei page 27i ia e whakahaere ana tenei Pire kia kapea nga Maori ki waho o teuei Pire. Ko te take tena i tu ake ai ahau ki te whakaatu atu i tenei ahua ki to Whare.

He Mema Honore.—Pehea ai te wira a nga Maori i a ratou mea i mua?

Tame Parata.—Waiho ai i runga I te ohaki, a, mehemea kaore he kupu ohaki, katahi ka riro i te whanaunga tata ki te tupapaku. Heoi ano aku kupu i whakaaro ai ahau hei whakapuaki maku mo te Pire nei.

Ka mutu a Tame Parata, ka haere tonu be korero mo te Pire.

No te tukuna o te motini ki te Whare, paahitia ana te panuitanga tuarua o te Pire.

No te rua tekau ma rima meneti te paahitanga o te tahi karaka i te po ka hiki te Whare.