Mahi Ma Nga Taitamariki Maori.

Ko Hone Heke.—Ka motini ahau kia whakatakotoria ki te aroaro o tenei Whare tetahi ritana hei whakaatu mai i te ahua o te whakahaere o te tikanga i page 44whakaritea nei e te Kawanatanga hei ako i nga taitamariki tane o te iwi Maori ki nga mahi kamura, parakimete, me era atu tu mahi, a me whakaatu mai i roto i taua ritana te tokomaha o nga taitamariki tane kua uru ki aua tu mahi mai o te timatanga o taua tikanga tae mai ki naianei.

Whakaaetia ana te motini, a whakahaua ana kia mahia taua ritana.

Ka mutu nga patai ka whakahaerea ko te whai-korero mo nga Moni o te Koroni, a ara noa te Whare i te tekau meneti te paahitanga o te tahi karaaka i te po.