Nga Korero Paremete: 1896-1899
Wenerei, te 15 o Tihema, 1897
Wenerei, te 15 o Tihema, 1897.
No te hawhe-paahi i te rua karaka ka noho te Tumuaki ki runga ki tona nohoanga.
Ka karakia te Whare.
Nga Pire Me Nga Pitihana Kaore Ano I Oti Te Whakahaere.
Ko Te Hetana (Right Hon. Mr. Seddon).—E te Pika, Ka motini ahau ko nga Pire me nga Pitihana katoa kaore ano i oti te whakahaere i tenei tuunga o te Paremete, hei tera tuunga te Paremete i tera tau whakaoti ai.
He maha nga mema i tu ki te korero mo tenei mea. Ko Te Roretana (Hon. Mr. Rolleston) me nga mema o te Apitihana kei te whakahe i tenei tikanga, ka ki he huarahi hou rawa a kaore e tika a e kore ratou e whakaae. Ko te Pirimia, ara, ko Te Hetana (Right Hon. Mr. Seddon) me nga mema o te taha Kawanatanga e kawe ana he tika noa atu ta te Pirimia i motini ai, he mea hoki nona kia tere ai te oti o nga mahi o te Paremete a tera huihuinga.
Ka maha noatu nga mema kua korero, ka tu atu—
Ko Hone Heke.—Ka tono atu ahau ki te Pirimia, kia whakamaramatia mai e ia ka pehea nga Pire kua paahitia nga panuitanga tuarua i runga i te tikanga pro formâ.
Ko Te Hetana (Right Hon. Mr. Seddon). — Kaore e tukuna atu. Ka waiho kia karangatia o ratou panuitanga tuarua.
Te mutunga o nga korero ka tukuna ki te pooti.
Waahi ana te Whare.
I te Ae, 35.
- Cadman
- Carncross
- Carroll
- Field
- Flatman
- Gilfedder
- Graham
- Guinness
- Hall-Jones
- Hogg
- Holland
- Houston
- Joyce
- Kaihau
- Lawry
- McGowen
- Meredith
- Millar
- Mills
- Montgomery
- Morrison
- O'Regan
- Pere
- Seddon
- Smith
- Stevens
- Steward
- Tanner
- Taylor
- Thompson, R.
- Thompson, T.
- Ward
- Wilson.
- Kai-tatau.
- O'Meara
- Symes.
I te Noo, 23.
- Allen, J.
- Bollard
- Brown
- Fraser
- Hutchison, G.
- Kelly
- Lang
- Larnach
- Lewis
- McGuire
- Mackenzie, M.
- McKenzie, R.
- McLean
- Massey
- Monk
- Moore
- Pirani
- Richardson
- Rolleston
- Russell
- Thomson, J. W.
- Kai-tatau.
- Hunter
- Lethbridge.
Nga Pea.
- Tautoko.
- Allen, E. G.
- Duncan
- Fisher
- Hutcheson, J.
- McKenzie, J.
- Parata.
- Turaki.
- Herries
- Buchanan
- Stout
- Wason
- Sligo
- Carson.
Te putanga o te taha tautoko, 12.
page 57Heoi puta ana te motini a Te Hetana, ara, a te taha Kawanatanga, a hinga ana te taha Apitihana.
Whakaaetia ana te motini.
Horowhenua.
Ko Pirani (Mr. Pirani)—Ka patai ahau ki te Minita mo nga Ture, Mehemea tera e whakahaerea e ia etahi tikanga e hopukia ai te tangata e kiia nei nana i utu etahi o nga kai-korero i te aroaro o te Kooti Whenua Maori i te tuunga o te keehi mo Horowhenua, i tahuri ai aua kai-korero ki te korero tito ki te Kooti.
Ko Te Tamihana (Mr. T. Thompson).—Kaore ano he keehi pena te ahua i whakaaturia mai ki te Kawanatanga. Ka whakahaua nga Tiati kia tuku ripoata mai ki te Kawanatanga mo taua mea, a, ki te kitea he tika, tera e whakahaerea te ture hei hopu i taua tangata.
Nga Whenua Mo Nga Maori Kore Whenua.
Ko Tame Parata.—Ka patai ahau ki te Minita mo nga Whenua, Mehemea kua whakatokomahatia e te Kawanatanga nga kai-ruri e ruri mai nei i nga whenua mo nga Maori kore whenua o Waiau?
Ko Te Hetana (Right Hon. Mr. Seddon).—Kua tukuna he kai-ruri ki Murihiku (Southland) ki te whakahaere i nga ruri mo aua whenua.
No te rima meneti te paahitanga o te rua karaka i te po ka hiki te Whare.