Nga Whenua Maori O Waiau.

Ko Tame Parata.—Ka patai ahau ki te Minita mo nga Maina, Mehemea kua tae mai ki a ia te kupu a te Komihana mo nga Whenua o te Karauna, i Invercargill, mo nga raihana kimi koura e kiia nei i whakaputaina kia ahei ai te mahi koura i runga i nga whenua i wehea nei mo nga Maori o Waiau?

Ko Te Karimana (Hon. Mr. Cadman).—Kaore ano i tae mai ki au he kupu ma te Komihana, engari ta te Warden o taua takiwa kua tae mai, a ko taku kupu ki te mema honore me tere tana kite i te Minita mo nga Whenua mo runga i tenei putake, kia wawe ai te whakahaere o etahi tikanga i mua o te rokohangatanga o tetahi raruraru ki runga ki aua whenua.