Nga Korero Paremete: 1896-1899
Wenerei, te 8 o Tihema, 1897
Wenerei, te 8 o Tihema, 1897.
No te hawhe-paahi i te rua karaka ka noho te Tumuaki ki runga ki tona nohoanga.
Ka karakia te Whare.
Ka panuitia tuatahitia etahi Pire.
Pire Whakatikatika I Te Ture Mo Horowhenua Poraka.
No tenei ra i panuitia tuaruatia ai te Pire whakatikatika i te Ture mo Horowhenua. Ka mutu taua Pire ka panuitia tuaruatia tetahi Pire mo nga Kura.
Ko Te Hetana (Right Hon. Mr. Seddon).—Ka tu ake ki te whakaatu atu ki te Whare i nga Pire ka whakarerea e te Kawanatanga i tenei tuunga o te Paremete i te mea kua tata rawa te Kirihimete, a he wa tera e hiahia ai nga mema honore ki te taki hokihoki ki o ratou kainga kia kite i o ratou whanaunga. Heoi ka whakahua haere te Pirimia i nga Pire ka mahia me uga Pire ka whakarerea. Ka korero atu hoki ko te Pire mo Horowhenua Poraka ka tukuna atu ki te Komiti mo nga Mea Maori. Kia hoki mai i reira ka komititia e te Whare.