Taite, te 9 o Tihema, 1897.
Te Pire Whaka Whanui Atu I Nga Tikanga O Te Ture Whakawa Mo Te Karauna.

Ripoata o te Komiti o te Kaunihera mo nga Mea Maori, mo runga mo te Pire Whakawhanui atu i nga tikanga o te Ture Whakawa mo te Karauna:—

"I te mea kua ata whiriwhiria e te Komiti mo nga Mea Maori te Pire Whakawhanui atu i nga tikanga o te Ture Whakawa mo te Karauna, ka ripoata penei atu, ara:—

"I runga i tenei ahua o te Pire, e kore ano e puta te painga ki nga kaituku mai e maharatia ana kei roto, a i te mea kua tata te mutu o te Paremete, e kore e taea te whakatikatika ona rarangi e puta ai he painga. E mahara ana ta koutou Komiti, e pa ana ano te tikanga 'whakatekau' ki te Otakou Poraka, a i tau iho ki te Kawanatanga te mahi page 14rahui i nga 'whakatekau' mo nga Maori. Kei tie mohiotia tuturutia ano i whakaae te Niu Tireni Kamupane he take tika to nga Maori ki nga 'whakatekau' o te whenua kia rahuitia mo ratou o roto o te Otakou Poraka, pera ano me era atu hoko a ratou, engari ko te rahuitanga me te whakaritenga o aua whenua i waiho ma te Kawanatanga o te Koroni. Ko te itinga rawatauga o te whenua i tika ma nga Maori mo nga 'whakatekau,' 14,600 eka, a e whakaatu atu ana matou kia kaua e hoki iho i aua eka whenua Karauna e rahuitia mo ratou, a me here aua whenua. I te mea kua tau ma te Karauna e rahui nga 'whakatekau' mo nga Maori, e mahara ana te Komiti me kaua e waiho aua take kia tarewa ana.

"H. Wiremu, Tiamana.

"9 Tihema, 1897."