No te hawhe-paahi i te rua karaka ka noho te Tumuaki ki runga ki tona nohoanga.

Ka mutu te karakia.

Ka whakahaerea etahi Pire me nga patai ka tae ki te ui a Tame Parata mo te—

Komiti Mo Nga Mea Maori.

Ko Tame Parata.—Ka patai ahau ki te Minita Maori, Mehemea ranei tera e whakaurua e te Kawanatanga he Pire ki te Whare nei a tenei tuunga o te Paremete hei whakamana i te ripoata a te Komiti mo nga Mea Maori o tera tau mo te Pitihana No. 152?

page 37

Ko Te Hetana (Hon. Mr. Seddon).—Ko to mea tika me whakaatu mai e te mema honore te putake o taua pitihana, a te ingoa hoki o te tangata nana.

Ko Tame Parata.—Ko taua pitihana he mea whakatakoto ki te aroaro o te Komiti mo nga Mea Maori i tera tan e Hon. Taiaroa.

Ko Te Hetana (Hon. Mr. Seddon).—Ki taku mahara kaore e taea te whakamana o te ripoata a taua Komiti, i te mea tenei tetahi Pire mo taua mea kei te aroaro o te Kaunihera. He putake nui rawa taua mea, a ko te mea pai me waiho kia ata haere taua Pire.