Nga Mokete A Nga Maori.

Ko Hone Heke.—Ka patai ahau ki te Minita mo te taha Maori, Awhea whakatakotoria ai e ia ki te aroaro o tenei Whare te ritana mo nga tono a nga Maori ki te Kawanatanga mo etahi mokete i raro i "Te Ture Whakatikatika i nga Ture Whenua Maori, 1895"; ko taua ritana me ata whakaatu mai i nga tono i whakaaetia me nga mea kihai i whakaaetia, ara, me haere tonu i runga i nga tikanga kua whakatakotoria nei e te ture i huaina ake nei e au?

page 35

Ko Te Hetana (Hon. Mr. Seddon).—Ko te ture i whakahuatia ake nei e te mema honore e ki ana me takoto ki te aroaro o te Whare tetahi ritana, pera me ta taua mema i tono ai, i roto i nga ra e toru tekau o muri iho i te ra i hui ai te Runanga Nui, a he whakaatu tenei, e kore e hapa i roto i aua ra te whakatakoto o taua ritana e te Kawanatanga ki te aroaro o te Whare.