Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1896-1899

Te Kooti Whenua Maori Ki Whangarei

Te Kooti Whenua Maori Ki Whangarei.

Ko Te Tamihana (Mr. R. Thompson).—Ka patai ahau ki te Minita mo nga Mea Maori, Mehemea ka taea e ia te whakahaere etahi tikanga e tere ai te tu o te Kooti Whenua Maori ki Whangarei? Ka nui te hiahia o nga Maori o taua takiwa kia tere te tu o tetahi Kooti ki reira hei whakatau i o ratou take ki etahi whenua.

Ko Te Hetana (Hon. Mr. Season).—Kua uiuia e au tenei mea, a kua whakaaturia mai ki a au kaore he tino take e tere ai te whakahau kia tu he Kooti Whenua Maori ki Whangarei. Ko te mahi e akiaki nei, kia tere te tu o tetahi Kooti ki reira, na etahi tangata e hiahia ana kia tu he Kooti wehewehe mo Whatitiri Poraka. Otira, e koa ana ahau moku e ahei nei te ki atu ki te mema honore, kua ki mai te Tumuaki Kaiwhakawa o te Kooti Whenua Maori, kaore e tino roa kua watea te Kooti i etahi mahi nunui a hei reira me whakarite he ra e tu ai te Kooti ki Whangarei i te marama o Hepeterna e haere ake nei.

Ka mutu tenei patai ka haere tonu te mahi a te Whare i nga patai me etahi Pire, ka tae ki te—