No te hawhe-paahi i te rua karaka ka noho te Tumuaki ki runga ki tona nohoanga.

Ka mutu te karakia

Ka whakahaerea te panuitanga tuatahi o tetahi Pire, ka mutu tera ka tautohetohe te Whare mo tetahi ano o ratou, a ka roa e pera ana ka tae ki nga patai.

Ka taka ki te patai a Hone Heke mo—

Nga Mana Me Nga Tika Ki Te Koura Ki Te Hiriwa Me Era Atu Kohatu Utu Nui.

Ko Hone Heke.—Ka patai ahau ki te Kawanatanga, Mehemea e kereeme ana ratou ki te mana me te tika ki nga koura me nga hiriwa me era atu kohatu utu nui (1) i runga, i roto, i raro o nga whenua papatupu a nga Maori, (2) i runga, i roto, i raro o nga whenua Maori kua whai tiwhikete Karauna karaati ranei, a kei nga Maori tonu e pupuri ana? I te mea kua tino nui te haere o te mahi Koura i tenei Motu, a i te mea he nui ano nga whenua Maori kei roto i nga takiwa mahi koura, na konei ahau i patai ai kia kiia mai e te Kawanatanga tana kupu mo enei ahua e rua e tohungia nei e te patai.

Ko Te Hetana (Hon. Mr. Seddon).—Kaore rawa he take e awangawanga ai ahau mo tenei patai. Notua-whakarere iho i riro ai te mana o te koura raua ko te hiriwa i te Karauna. No te timatanga mai ano o tenei mea o te Kingi o te Kuini ranei ki Ingarangi, i hoatu ai e nga ture te koura me nga hiriwa ki te Karauna.

No waenganui po i hiki ai te Whare.