Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1896-1899

Pire Poari Whenua Maori Mo Te Tai Rawhiti

Pire Poari Whenua Maori Mo Te Tai Rawhiti.

Ko Te Hetana (Hon. Mr. Seddon).—I runga i te patai i nanahi a te mema honore mo te takiwa o Whangarei, i ki atu ahau ki taua mema kaore ano i whiriwhiria te Pire e te Kawanatanga, a i mea atu ahau kia nukuhia te Pire mo tenei ra, kia whai taima ai te Kawanatanga ki te whiriwhiri i te Pire. Ko tenei, kua whiriwhiria e te Kawanatanga te Pire, a kua penei ta ratou whakatau, me whakahe e ratou tenei Pire. Otira kua korerotia mai ki au, kia tae te Pire ki te aroaro o te Komiti mo nga Pire a nga mema o waho i te Kawanatanga, hei reira whakatikatikaina ai te ahua o te Pire. Engari me tino whakatikatika rawa te Pire e taua Komiti, notemea ki te kore e peratia e kore ano hoki te Kawanatanga e kaha ki te tautoko i te Pire. Te mea pai me tuku atu te Pire ki te Komiti, a kia hoki mai i reira, a kia kite te Kawanatanga i te ahua o nga menemana i whakaurua e te Komiti, hei reira whakatatu ai te Kawanatanga i to ratou whakaaro mo taua Pire.

Ko Te Pere (Mr. Bell).—Kei te koa ahau mo nga kupu a te Pirimia, notemea ki taku mohio kei te tino kuare etahi o nga mema honore o te Whare nei ki te tino aronga o te Pire. Kei te whakatika hoki ahau ki ta te Pirimia e ki nei, kaore te Kawanatanga i te pai ki te ahua o te Pire e takoto nei. Tenei ano te roanga atu o ana korero.

Ko Te Tamihana (Mr. R. Thompson).—Kei te kino nga Maori katoa o te Tai Rawhiti ki tenei Pire. Katahi taua mema honore ka panui mai i te waea, a nga tangata tokotoru, whakahe mo te Pire.

Ka mutu tera, ka takoto atu te motini a te Pirimia kia tukuna atu te Pire ki te Komiti, a whakaaetia ana.

No te mutunga o nga korero mo tenei Pire, ka maro tonu te mahi a te Whare i etahi atu mea.

No te tekau meneti ki te tahi o nga haora i te po ka hiki te Whare.