Pire Hei Whakamutu I Te Tarona Tangata.

Ko Te Korina (Mr. Collins),—Ka tu atu ki te motini kia panuitia tuaruatia tenei Pire. He roa ana korero mo tana Pire, he tono kia paahitia.

Ko Te Tamihana (Hon. Mr. T. Thompson, Minita mo nga Tikanga o te Ture).—He tu atu taku ki te whakahe i tenei Pire, notemea he tikanga nui rawa tenei e raweketia nei e te Pire nei, ara, e ki nei te Pire me whakamutu rawa atu te tarona i nga tangata kohuru. Ko taku kupu, ma te Kawanatanga ke tenei putake e hoatu kia whiriwhiria e te Whare ka tika, ko tenei mea hoki e tino pa ana ki tetahi o nga ture uaua o te koroni; na reira ki taku me ata waiho ma te Kawanatanga e hurihuri, a tenei page 39pea, a tona wa, ka homai he Pure penei e te Kawanatanga kia hurihuria e te Whare kaore ranei.

Ka mutu ta te Minita, ka tu ake ko Mr. Earnshaw, ko Mr. McLachlan, ko Mr. Bell, he whakahe katoa ta enei i te Pire.

Ko Wi Pere.—Kaore rawa ahau i te pai ki tenei Pire e ki nei kia kaua e taronatia nga tangata kohuru. E hara i te mea na te tangata i hanga tenei ture, ara, te patu i nga kai-kohuru; na te Atua ano i mahi tana ture kia patua nga tangata kohuru. He aha te pai Ma whakakorea e te tangata ta te Atua ture? Mehemea ka waiho ko ia nei he tikanga mo nga kai-kohuru, he maka ki te whare-herehere noho ai, a me mate tupapaku ki reira, a kia torn tekau kia wha tekau ranei tau noho ai ki reira, tena e ki tonu ake nga whare-herehere i nga kai-kohu anake. Ki ta koutou mohio e whia mano tangata e mahi kohuru i roto i aua tau i te mea hoki ka kore he tore hei arai i nga kai-kohuru? Ko tetahi, kia pehea ra te nui o te whareherehere hei nohanga mo aua tini tangata, a ma wai e whangai enei tini tangata? E hara ia nei i te mea ma te iwi katoa ratou e whangai, a hui atu ki nga whanaunga o nga tangata i kohurutia ra e aua kai-kohuru? Ka rua ai nga raru o nga whanaunga o nga tangata i kohurutia ra, ko te kohurutanga i o ratou whanaunga ko te rironga hoki o a ratou moni hei hokonga kai ma aua kai-kohuru. Ko te tino tikanga o tenei Fire ki taku titiro, tera e tonoa he taake motuhake ki runga ki nga iwi e rua e noho nei i Niu Tireni. Heoi ano te mea tika mo enei ngarara he tarona i o ratou kaki kia mate atu. Mehemea ki te paahitia tenei Pire hei ture katahi ka nui rawa atu te mahi kohuru tangata. Ko nga tangata haereere noa iho i te rori, ka mate kai, ka tahuri ki te patu i etahi tangata, kia whaona ai ratou ki te whare-herehere, kia ora ai ratou i te kai. Na te ture e mau nei i naianei i kore ai e nui haere te mahi kohuru tangata, mehemea ka paahitia tenei ture tera e kataina tenei motu e nga iwi o te ao, tera e ki kua pangia nga tangata o tenei motu e te mate porangi. Ki te paahitia tenei ture ka ki ake ano au tera e mano mano tangata e mate i roto i te tau kotahi, a ka waiho hei raruraru mo te koroni katoa, no reira e te Whare nei e kore rawa au e tautoko i tenei Pire. Taku kupu ki tenei Whare, hei aha i whakaroaina ai te korero, toroa atu ki waho te ngarara Pire nei, porearea tahi i ro Whare nei.

Ka mutu a Wi Pere ka tu ake ko etahi mema, a no te pootitanga hinga ana te Pire.

No te rua tekau meneti te paahitanga o te rua karaka i waenganui po ka hiki te Whare.