Nga Korero Paremete: 1896-1899
Nga Rahui Maori I Arahura
Nga Rahui Maori I Arahura.
Ko Tame Parata.—Ka patai ahau ki te Minita mo nga Mea Maori, Mehemea ranei tera e whakaurua e te Kawanatanga he Pire hei whakamana i te Ripoata o tera tau a te Komiti mo nga Mea Maori mo runga i te Pitihana No. 152, mo nga Rahui Maori o Arahura, kei te Tai-hauauru o Te Waipounamu taua wahi, ara, kei Westland? Ko tenei mea e patairia nei e au kaore e pa ana ki te Pire e takoto nei i te aroaro o te Whare o Runga, ara, o te Kaunihera; ko taua Pire e pa ke ana ki te Pitihana a Hon. Mr. Taiaroa.
Ko Te Hetana (Hon. Mr. Seddon).—Ki taku mahara kaore e tino maha nga ra ka whakahaerea taua mea e te Whare.