Nga Korero Paremete: 1896-1899
Pitihana A Meiha Keepa Te Rangihiwinui
Pitihana A Meiha Keepa Te Rangihiwinui.
Ripoata a te Komiti mo nga Mea Maori o te Kaunihera, mo runga mo te pitihana a Meiha Keepa te Rangihiwinui:—
"Ko te pitihana a Meiha Keepa i tukuna mai nei ki tenei Komiti, e uaua ana ona kupu whakapae mo nga Komihana me te Minita mo nga Whenua, a kua rongona hoki nga whaikorero a Meiha Keepa.
"Ki te titiro a ta koutou Komiti ko te putake mai o te pitihana a Meiha Keepa, he whakahe nana mo te ripoata a nga Komihana mo Horowhenua, i ki nei i tito ana korero, i te mea i whakina atu e ia etahi korero, he mea rongo nana, me tana mahara he korero tika.
"Me tana pouri hoki i te mea kaore i whakawakia aua take i te Hupirimi Kooti, kua maha nei ana pitihana mo te taha ki a ia me tona iwi kia peratia he whakawa, notemea i mahara ia ko tera te huarahi marama.
"Heoi ano te kupu ma te Komiti, me tuku atu te pitihana ki te Kawanatanga.
"H. Wiremu, Tiamana.
"4 Hepetema, 1896."