Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1896-1899

Wenerei, te 8 o Hurae, 1896. — Nga Maori O Kawatiri

Wenerei, te 8 o Hurae, 1896.
Nga Maori O Kawatiri.

H. K. Taiaroa.—He patai tenei nakuki te Kawanatanga, Mehemea rane[gap — reason: damage] kua whakahaerea etahi tikanga hei whakarite whenua mo nga Maori e noho kore whenua ana i Kawatiri, i runga i te inoi o te Pitihana Nama 48 o tera tau? E patai atu ana au i runga i nga tikanga o te pitihana, o tera tau, i inoi ra kia whakaritea he whenua i Kawatiri mo nga Maori i haere atu i tenei motu, a e noho kore whenua mai nei i reira.

Te Waaka.—Ko te mahi whakarite whenua mo nga Maori kore whenua o te Waipounamu, hui atu ki nga Maori i Kawatiri, kua tukuna atu ki nga Komihana e whakahaere tikanga ana mo nga Maori kore whenua o te Waipounamu. Kua whakahaerea ano taua mahi, engari na te nui o te mahi rapu kia mohiotia ai te whiwhinga o etahi o ratou ki te whenua inaianei, kia mohiotia ai hoki te tika o nga kereme, kaore ano kia ripoata mai nga Komihana. Engari kei te pai haere ano taua mahi, a e mahara ana nga Komibana ka oti ta ratou mahi i tenei tau mo te pito ki te tonga o te Waipounamu, me Kawatiri.