Taite, te 24 o Hepetema, 1896.
Pire Tiaki O Ngatitoa.

Te Waaka.—E motini aua au kia korerotia te korero tuatoru o tenei Pire.

H. K. Taiaroa.—He ruarua nei aku kupu mo runga mo tenei Pire. E tohutohu atu ana au mo nga kupu kua whakaurua atu nei ki roto ki te Pire, e penei ana, ara:—

"Engari hoki, kaua e utua e te Kaitiaki mo te Katoa ki tetahi tangata te hea o te moni tinana i whakataua ki a Riwai te Ahu, kua mate atu ra ia, engari ma runga anake i te ota whakamana pera i whakaputaina e Te Kooti Whenua Maori."

E mea atu ana au ki te Minita e whakahaere i te Pire nei, kia whaikupu tohutohu atu mana ki te Kai-tiaki mo te Katoa, notemea tera atu ano pea page 19etahi ingoa o nga tangata kua mate tera pea e he ana te whakatunga i o ratou kai-whakakapi. He mea atu tenei naku ki te Minita kia whaikupu atu ia ki te Kai-tiaki mo te Katoa kia tupato ai, kia ata whiriwhiri i nga take ka utu ai i nga moni.