Taake Whenua Maori.

Ko Te Puto (Mr. Buddo).—Ka patai ahau ki te Kawanatanga, kei raro i te hea rarangi o te Ture Taake-Whenua Taake Moni Puta-a-tau i whai-mana ai nga apiha o nga tari ki te tono kia utu i te taake-whenua nga Pakeha e riihi ana i te whenua Maori he tokomaha nei nga Maori kei roto i te poraka kotahi? Mehemea hoki he maha nga Maori kei roto i te poraka kotahi, a ki te wawahia taua poraka ki ia tangata ki ia tangata o roto i te tiwhikete, ka iti rawa iho te wahi e tau ki ia tangata Maori i te wahi e tika ana kia taaketia i runga i te ture, na reira e kore e tau te taake ki runga ki aua wawahanga. E mohio ana ahau ki tetahi poraka whenua 114 nga tangata nona, a tonoa ana kia utu te kai-tango i te riihi o taua whenua i te taake; tenei ano etahi atu poraka pera te ahua. E hiahia ana ahau kia whakamaramatia mai tenei rnea e te Kawanatanga.

Ko Te Hetana (Hon. Mr. Seddon).—Ko tana utu mai i te patai i penei, ae i whakahaerea i runga i te mana o taua ture nga taake-whenua e kohia ana i nga whenua pera te ahua me ta te mema honore i patai nei.