Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Wenerei, te 30 o Oketopa, 1895

Wenerei, te 30 o Oketopa, 1895.

No te tekau ma tahi o nga haora i te awatca ka noho te Tumuaki ki runga ki tona noholianga.

Ka mutu te karakia.

Ka whakahaerea ko etahi mahi a te Whare a ka tae ki te patai mo—

Waikopiro Me Etahi Atu Whenua.

Ko Te Hooro (Mr. Hall).—Ka patai ahau ki te Minita mo nga Whenua, mehemea ranei kei te mohio ia kotahi mano e rua tekau ma wha rawa nga tangata Pakeha na ratou nga tono i tae ki te Tari o nga Komihana mo nga Whenua o te Karauna, i te whakatuwheratanga o te makete mo nga tekihana e wha tekau ma iwa o te tekau mano eka o Waikopiro. Takiwa o Haaki Pei. i roherohea nei taua whenua a i whakatuwheratia nei hei whakanohonoho ki te tangata? Mehemea kei te mohio te Minita ki te maha o aua tono, kaati kei te mohio hoki ia kaore ta nuinga o aua tangata nana aua tono i whiwhi whenua ma ratou, na reira ka mahara ahau he mea tika kia hamumu atu ahau inaianei kia whakahaua ai e te Minita ana Apiha Hoko Whenua Maori kia tahuri ki te hoko i Mangatoro Poraka me etahi atu whenua kei taua takiwa, kia ai ai aua whenua hei whakanohonoho ki te tangata.

Ko Te Makenehi (Mr. J. McKenzie).—Kei te mohio te Kawanatanga ki te kore whenua a te Karauna, i taua takiwa o te Koroni, hei whakanohonoho ki te tangata, a kei te kaha tonu te Kawanatanga ki te akiaki i nga apiha whakahaere i nga hoko mo nga whenua Maori o taua takiwa.

Pire Rahui Maori Mo Te Takiwa O Te Urewera.

Ko T E H E T A N A (Hon. Mr. Seddon).—Ka tu atu ahau ki te tono kia whakaaetia e te Whare katoa nei te panuitanga tuatahi o te Pire whakatuturn i te rahuitanga o te Takiwa o te Urewera. E hara i te mea e tono ana ahau kia paabitia tenei Pire i tenei huihuinga o te Parcmete; engari e hiahia ana ahau kia whakatakotoria tenei Pire ki to koutou aroaro kia rite ai taku kupu i ki atu ai ki nga rangatira o Tuhoe me te Urewera i to ratou taenga mai ki Poneke i te marama kua taha ake nei.

A heoi whakaaetia ana te motini a te Pirimia e te Whare, a panuitia tuatahitia ana te Pire.