Nga Korero Paramete: 1891-1895
Taite, te 19 o Hepetema, 1895
Taite, te 19 o Hepetema, 1895.
No te hawhe-paahi i te rua karaka ka noho te Tumuaki ki runga ki tona nohoanga.
Ko mutu te karakia.
Ka whakahaerea ko te panuitanga tuatahi o etahi Pire e rua. Ka mutu era ko te.
Pire Mo Nga Whenua Maori.
No tenei ra ka tu atu te Pirimia ka motini kia panuitia tuaruatia tenei Pire, a whakaaetia ana e te Whare. No muri iho i tera ka tu atu ano taua Minita ka motini kia tukuna atu te Pire ki te Komiti mo nga Mea Maori, kia whiriwhiria ai e taua Komiti nga tekiona katoa o te Pire; kia ahei ai etahi tangata, o waho atu i te Whare, te tae atu ki te aroaro o taua Komiti ki te whakaatu i o ratou nei whakaaro mo te Pire; kia whakatikatikaina ai nga mea he, a kia whakaurua atu ai etahi rarangi hou, ina kitea e te Komiti he mea tika kia peratia. Heoi, whakaaetia ana e te Whare, a tukuna atu ana te Pire ki taua Komiti.