Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Wenerei, te 28 o Akuhata, 1895

Wenerei, te 28 o Akuhata, 1895.

No te hawhe-paahi i te rua karaka ka noho te Tumuaki ki runga ki tona nohoanga.

Ka mutu te karakia.

Ka whakahaerea etahi Pire, ka mutu era.

Pike Mo Te Peeke O Niu Tireni.

Ko Te Waari (Hon. Mr. Ward).—Te minita mo nga Moni o te Koroni, i tu atu ia ki te whakamarama ki te Whare i nga take i whakatakotoria ai taua Pire ki te aroaro o te Whare, a i nga take hoki i mea ai te Kawanatanga kia nukuhia etahi atu mahi a te Whare, a kia mahia tonutia ai ko taua Pire a oti noa.

Ka mutu a Te Waari ka tu ake ko Te Miterehana Hon. Mr. Mitchelson), ko Takuta Numana (Dr. Newman), ko te Pirimia, ko Te Makenehi (Mr. R. McKenzie), ko Tamihana (Mr. R. Thompson), ko Meiha Tuati (Hon. Major Steward), me etahi atu, ka roa enei e korero ana, kua tu atu.

Ko Wi Pere.—Ki toku nei whakaaro ko nga mema honore e tono nei ki te Whare kia hoatu ano he taima hei whakaarotanga ma ratou i tenei ripoata, ko ratou ke kei te moumou i te taima o te Whare i runga i a ratou korero rupahu. Ko te mea tika me tuku tenei ripoata kia panuitia i tenei ra; a, niehemea ki te kitea he he kei roto i tenei ripoata, hei reira ka tono ai nga mema honore ki te Whare kia nukuhia te korerotanga, kia whai taima ai ratou ki te hurihuri i nga mea he o roto i te ripoata.

Ka mutu a Wi Pere ka tu ake ko te Pirimia ko Te Miterehana (Hon. Mr. Mitchelson), ko Te Pere (Mr. Bell), me etahi atu mema tokomaha.

Ko Hone Heke.—Kaore ahau i te kite i te take i homai ai tenei Pire ki te Whare. Kua korero mai te Minita mo nga Moni o te Koroni, me te Pirimia, me te mema honore mo te takiwa ki Rangiora, tenei tetahi mate nui kua pa mai ki te koroni. Kaati, mehemea e pena ana te ahua, he aha i rereke ai a ratou korero i mua ake nei. I mua tata ake nei i ki te Minita mo nga Moni o te Koroni, ka nui te u me te kaha o te Peeke o Niu Tireni; i ki hoki te Pirimia, i mua ake nei, ka nui te ora o taua Peeke. Kaati, ka ui ahau inaianei, mehemea kei te ora taua Peeke, he aha te take i kokiritia ai tenei Pire ki roto ki tenei Whare. Kaore kau he tikanga o tenei Pire, kore rawa atu. I te homaitanga a te Pirimia i tana motini kia whakaturia he Komiti e tenei Whare mo tenei mea, kaore rawa ia i whakaatu mai i te nui o te mate kua pa ki te Peeke. I te awatea nei i ki mai ia ki te Whare kei te ora te Peeke; a inaianei kua ki mai ia kei te tata tonu te pa mai o tetahi aitua nui ki te koroni i runga i tenei Peeke. Kaati, ko te hea te korero tika o enei? Ki toku nei whakaaro me nuku atu te panuitanga, tuarua o tenei Pire, kia whai-taima ai nga mema o te Whare ki te hurihuri i tenei mea. Ko te mea pai me nuku atu mo apopo. Ko au e tu atu nei kaore ano i whaitaima ki te ata hurihuri i nga tikanga katoa o tenei Pire, a he maha nga mema o te Whare nei kei te penei ano me au, ara, kaore ano i whai-taima ki te korero i nga rarangi katoa o tenei Pire. Kaore kau oku hiahia ki te moumou i te taima o te Whare, ki te puru ranei i te Whare, heoi taku he tono atu kia nukuhia tenei Pire mo apopo.

I muri i a Hone Heke ka tu ake ano etahi mema tokomaha, a ka roa ratou e korero ana, ka tu ake ano a Hone Heke ki te whai-korero tuarua mo taua Pire. He roa ana korero, a ko te aronga tenei, kaua e paahitia te Pire.

He maha nga mema i tu ake ki te whai-korero mo tenei Pire, ara, ko nga page 35Minita o te Karauna, ko Ta Ropata Taute (Sir Robert Stout), ko Hori Hatihana (Mr. G. Hutchison), ko Kapene Rahera (Hon. Captain Russell) me etahi atu.

No te tatanga ki to rua karaka i te po ka paahitia to panuitanga tuarua o te Pire, a hiki ana te Whare.